Да дня нараджэння Янкі Купалы

З нагоды дня нараджэння класіка беларускай літаратуры Янкі Купалы 6 ліпеня 2021 г. у аддзеле літаратуры для дзяцей і юнацтва Брэсцкай абласной бібліятэкі імя М. Горкага прайшла паэтычная гадзіна «Чытаем Янку Купалу разам!», у якой прынялі ўдзел чытачы бібліятэкі: Марыя Амельянчук (СШ № 20, 5-ы клас), Цімафей Сабко (СШ № 15, 9-ы клас), Сафія Лаўніковіч (СШ № 16, 8-ы клас) і Насця Вусік (СШ № 17, 9-ы клас).

З 6 па 13 ліпеня ў чытальнай зале на 1-м паверсе экспануецца пазнавальная кніжная выстава «Я буду маліцца і сэрцам і думамі», прысвечаная жыццю і творчасці пісьменніка.