2 Марта 2021 08:03
Количество просмотров: 761
«Ад літаркі да слова» — пад такім дэвізам адбылася прымеркаваная да Міжнароднага дня роднай мовы 21 лютага 2021 г. сустрэча з чытачамі ў аддзеле літаратуры для дзяцей і юнацтва Брэсцкай абласной бібліятэкі імя М. Горкага.
Як чытанне пачынаецца з літары і слова, так знаёмства з багаццем сусветнай літаратуры кожнага чалавека пачынаецца ў дзяцінстве з казак на роднай мове. Аказалася, дзеці цудоўна ведаюць пра тое, што казкі бываюць бытавыя, пра жывёл і чарадзейныя. Любая казка нясе с сабой безліч сэнсу і народнай мудрасці, з’яўляецца сапраўдным кодам жыцця. Чытачы ўспомнілі, якія менавіта казкі на роднай мове яны пачулі ў сваім жыцці першымі, якія найбольш ім спадабаліся, а якія нават і напалохалі! Бо чарадзейныя беларускія казкі — гэта той матэрыял, па якім пры жаданні можна зняць сапраўдны блокбастар! Творчае заданне — размалёўка па народнай казцы «Іван-світаннік», якую атрымалі дзеці, дапамагло ім уключыць сваю фантазію і лепш уявіць сабе прыгоды казачных героеў.