Краіна , у якой я жыву

20 студзеня супрацоўнікі дзіцячага аддзела абласной бібліятэкі адкрылі цыкл сустрэч пад назвай «Я ганаруся!» з выхаванцамі сярэдняй і старэйшай груп ДУА «Дзіцячы сад №3 г. Брэста», накіраваны на знаёмства дзяцей дашкольнага ўзросту з нашай краінай: мовай, культурай, гісторыяй, гарадамі і мястэчкамі, славутымі людзьмі.

Пры дапамозе кнігі Вольгі Ванінай «Краіна, у якой жыву» дзеткі пазнаёміліся з прыродай Беларусі, важнымі гістарычнымі падзеямі, славутымі мясцінамі, гербамі сталіцы і абласных цэнтраў. Паразважалі над важнасцю штодзённай працы і захаванні народных традыцый.

Дзеці з задавальненнем пагулялі ў народныя гульні «Рак і грак», «Ручаёк», размалявалі сцяг Беларусі, пагарталі кнігі з фонду аддзела.

Дзякуем намесніку загадчыка дзіцячага сада Антанюк Анжаліцы Генадзеўне за супрацоўніцтва і арганізацыю сустрэчы. Такія сустрэчы дапамагаюсь выхоўваць пачуццё патрыятызму, гонару за родную краіну, паважлівыя адносіны да яе гісторыі і традыцый.