02.12.2014
Количество просмотров: 1671
- Бутэвіч, А. І. У гасцях у вечнасці : для мал. шк. узросту / Анатоль Бутэвіч ; іл. Паўла Татарнікава. – Мн. : ВТАА “Кавалер Паблішэрс”, 2001. – 32 с. : іл. – (Сем цудаў).
Усе разам нашы продкі заўзята будавалі гарады і мястэчкі, упрыгожвалі беларускі край выдатнымі архітэктурнымі перлінамі, садзілі паркі, капалі і сажалкі, пісалі і друкавалі кнігі, мужна змагаліся з рознай набрыддзю, узносілі хвалу Богу за багаты і дабрадзейны край. Вайсковай адвагай і чалавечай мудрасцю пазначанае старажытнае Бярэсце. Божым промыслам свечаная гарадзенская Каложская царква. Разбуранае гняздо славы і няслаўя – Крэўскі замак. Легендарнае і ледзь не міфічнае Мора Герадота на Палессі. На ўсё Вялікае княства Літоўскае цыганская сталіца ў Міры. Сведкі дапытлівасці і людской кемлівасці - шматтысячагадовыя крэмневыя шахты ў Ваўкавыскім раёне. Ціхі пошапт спракавечных ледніковых валуноў у ці не адзіным у свеце мінскім музеі камянёў. Усё гэта – чуйнае водгулле нашай даўняй гісторыі, адметныя кропкі і рысачкі нашай з табой біяграфіі, нашага радаводу. Разгарні кнігу – і ты пабываеш у гасцях у вечнасці... Хай карысным і плённым будзе тваё гасцяванне.