«Восеньскі карагод кніг і прыгод» — літаратурна-гульнёвы час.

Восень — пара года, калі прырода ператвараецца ў мастака. Яна расквечвае ўсё вакол яркімі фарбамі, якія радуюць дзяцей і дарослых. Для іх гэта сапраўдны цуд: учора лісце было зялёным, а сёння раптам стала рознакаляровым.

Бібліятэкары дзіцячага аддзела Брэсцкай абласной бібліятэкі 13 кастрычніка 2026 года адправіліся ў госці ў дзіцячы садок № 3 г. Брэста і разам з дзецьмі вырашылі разабрацца ў восеньскіх цудах. Хлопчыкі і дзяўчынкі не толькі даведаліся шмат новага, але і весела правялі час: разгадвалі загадкі, гулялі ў конкурсы, слухалі вершы і казкі. Асабліва дзецям спадабаліся фізкультхвілінкі «Вясёлы парасончык» і «Козачка ідзе».

Мэта гэтага мерапрыемства — пазнаёміць дзяцей з восеньскімі зменамі ў прыродзе, спалучаючы гэта з багаццем беларускага фальклору, а таксама прывіць любоў да роднага слова і цікавасць да чытання.