Пазнавальная гадзіна «Памятаем гісторыю. Захоўваем памяць»

16 верасня ў дзіцячым аддзеле вучні ДУА «Сярэдняя школа № 3 г. Брэста» і «Пачатковая школа № 5 г. Брэста» гаварылі аб гістарычнай і культурнай спадчыне Беларусі. 

Супрацоўнікі дзіцячага аддзела пазнаёмілі вучняў з кніжнай выставай «Мой народ — мой гонар». Вучні даведаліся з кнігі «Спадчына, або Каб не стаць манкуртам» Міколы Маляўкі аб тым, як жылі нашы продкі, чым займаліся, якімі рэчамі гаспадарчага і хатняга ўжытку карысталіся, якую спадчыну пакінулі нашчадкам. 

Сур’езныя і вясёлыя гісторыі, народныя прыкметы і парады, прыказкі і прымаўкі зацікавілі вучняў. Сёння вельмі важна любіць радзіму і ведаць пра яе мінулае.