О нас
Семінар-практыкум “Кнігі беларускіх аўтараў у чытанні дзяцей-беларусаў як фактар культурна-адукацыйнай бяспекі грамадства”
29 Января 2017 12:01
Количество просмотров: 2501
26 студзеня аддзел літаратуры для дзяцей і юнацтва стаў пляцоўкай для сур’ёзнай размовы спецыялістаў у галіне адукацыі і спецыялістаў у галіне культуры па праблемах захоўвання, развіцця і падтрымкі беларускай мовы, літаратуры і культуры ў дзіцячым асяроддзі. На сустрэчу прыйшлі педагагічныя супрацоўнікі беларускамоўных груп дзіцячых садкоў Ленінскага раёна г. Брэста (№№ 10, 24, 29, 40, 51 і інш.), а таксама амаль увесь калектыў ДУА “Яслі-сад № 3 г. Брэста” на чале са сваёй загадчыцай Грышчук Раісай Мікалаеўнай і намеснікам загадчыка Васілюк Таццянай Мікалаеўнай.
Галоўнай мэтай сустрэчы было знаёмства спецыялістаў з рэсурснай базай устаноў культуры і адукацыі, з іх творчымі метадамі работы па распаўсюджванні моўных і культурных традыцый беларускага народа ў сямейнае і дзіцячае асяроддзе.
Вялікі дзякуй за цудоўны майстар-клас “Ходзіць Бай” Крусь Вользе Пятроўне (выкладчык кафедры педагогікі БрДУ імя А.С. Пушкіна, аўтар добравядомага выхаваўчага праекту “Бацькі. ВУ”), а таксама удзельнікам гурта “Лучына” Кацярыне Максімаўне Ляшкевіч (кіраўнік) і Надзеі Канстанцінаўне Тарашкевіч, якія вельмі ўпрыгожылі сустрэчу.
Загадчыца аддзела: Верамчук Ларыса Эдуардаўна
Тэл. для даведак: (0162) 20 90 49; 20 90 50