«Слова роднае — вечнасці след»

4 верасня ў дзіцячым аддзеле пачаў працаваць пасля летніх канікулаў клуб «Школа маленькіх чараўнікоў».

Першая сустрэча была прысвечана Дню беларускага пісьменства. Кіраўнік В. М. Важынская пазнаёміла маленькіх чараўнікоў з Полацкім княствам, Рагвалодам і Рагнедай, Ефрасінняй Полацкай, Францыскам Скарынай. Даведаліся пра манастырскія майстэрні, друкаванне першых кніг. Таксама пачулі радкі вершаў Я. Коласа і Я. Купалы.

Малодшая група пераўтварылася ў сапраўдную майстэрню кнігадрукавання. Чараўнікі зрабілі пачатковыя літары сваіх імен з нарэзаных нітак. Старэйшая група чытала на памяць вершы Я. Купалы і Я. Коласа. Верш «Вясна» пра буслоў натхніў дзетак змайстраваць буслянят з ватных дыскаў.