Разгадваем загадкі: падарожжа ў свет беларускай мовы

Вельмі важна, з самага маленства далучыць нашых дзяцей да беларускай мовы, паказаць яе прыгажосць і мілагучнасць. Загадкі — выдатны спосаб вывучаць беларускую мову і знаёміцца з нацыянальнай культурай у фармаце гульні.

18 сакавіка 2026 года супрацоўнікі дзіцячага аддзела абласной бібліятэкі завіталі да выхаванцаў сярэдняй і старэйшай груп Дзіцячага садка №3 г. Брэста з мерапрыемствам «Вялікі загадкавы турнір». Дзеці акунуліся ў свет беларускіх загадак. Пры дапамозе прэзентацыі, яны адгадвалі аўтарскія і фальклорныя загадкі пра чалавека, прыроду, жывёльны і раслінны свет, гаспадарчыя прылады працы і транспарт. Усе разам паглядзелі беларускі мульцік пра жаваранка, які вясной шукаў сваю песню.

Дзякуем усім удзельнікам і запрашаем наведваць бібліятэку часцей!