Сустрэча з паэтам Васілём Барысюком да Міжнароднага дня роднай мовы

19 лютага 2026 года — напярэдадні Міжнароднага дня роднай мовы — у юнацкім аддзеле Брэсцкай абласной бібліятэкі імя Горкага адбылася творчая сустрэча з журналістам, паэтам, членам Брэсцкага аддзялення Саюза пісьменнікаў Беларусі Васілём Пятровічам Барысюком.

Васіль Пятровіч адказаў на шматлікія пытанні падлеткаў — навучэнцаў першай гімназіі і школы № 7 г. Брэста — аб цяжкасцях выбару прафесіі, працы журналіста і паэта, неабходнасці пастаянна вучыцца новаму; паразважаў аб прызначэнні паэзіі і важнасці ведання роднай мовы; успомніў цікавыя выпадкі з дзяцінства. У зале таксама прагучалі вершы Васіля Пятровіча, прысвечаныя тэме прыродзе і дачцы.

Напрыканцы сустрэчы загадчык юнацкага аддзела Людміла Віктараўна Кавалеўская пазнаёміла прысутных з выставай «З гучных крыніц роднага слова», прымеркаваную да Міжнароднага дня роднай мовы.